ހުޅުމާލެ ފޭސް 2 ގެ ބްލޫ ލެގޫން ރެޒިޑެންސްގެ ފައުންޑޭޝަން ތިން މަސްތެރޭ ނިންމާލައިފި
ހުޅުމާލެ 2 ގައި ތަރައްގީކުރާ ބްލޫ ލެގޫން ލަގްޒަރީ ރެޒިޑެންސްގެ ފައުންޑޭޝަނާއި ރާފްޓްގެ މަސައްކަތްތައް ތިން މަސް ދުވަހުގެ ތެރޭގައި ނިންމާލައިފިއެވެ. މިދިޔަ ޖެނުއަރީ މަހުގެ 26 ގައި ފެށި މި މަސައްކަތަކީ ރާއްޖޭގައި މިހާތަނަށް އެޅި އެންމެ ބޮޑު އެއް ރާފްޓް ފައުންޑޭޝަން ކަމަށް އެ ކުންފުނިން ބުނެއެވެ. މި ޕްރޮޖެކްޓުގައި ދެ ކޮޓަރިން ފެށިގެން ސިގްނޭޗާ ލަގްޒަރީ އެޕާޓްމަންޓްތައް ހިމެނޭއިރު، އަގުތައް އުޅެނީ 4.2 މިލިއަނާއި 6.89 މިލިއަން ރުފިޔާއަށްވުރެ މަތީގައެވެ. ބޮޑު އީދާ ގުޅުވައިގެން ބޭންކުތަކާއި، ރިސޯޓުތައް އަދި އުރީދޫ އާއި ދިރާގުގެ މުވައްޒަފުންނަށް އެޕާޓްމަންޓްތަކުން އެއް ޕަސެންޓުގެ ޑިސްކައުންޓެއް މި މަހުގެ ނިޔަލަށް ލިބޭނެއެވެ. މި އިމާރާތުގައި 35,000 އަކަފޫޓުގެ ކްލަބް ހައުސްއަކާއި ރާއްޖޭގެ އެންމެ ބޮޑު ޓެރަސް ގާޑަންގެ އިތުރުން ޖިމަކާއި ޖޮގިން ޓްރެކެއް ހިމެނެއެވެ. އެޕާޓްމަންޓްތަކުގެ މޮޑެލްތައް ވީއާރް ޓުއާ މެދުވެރިކޮށް މިހާރު ބަލާލެވޭނެއެވެ.
