އީދާ ގުޅުވައިގެން ދިރާގުން ޚާއްސަ ގޭމަކާއި އޮފާތަކެއް ތައާރަފުކޮށްފިއެވެ.

ދިވެހިރާއްޖޭގެ އެންމެ ބޮޑު މުވާސަލާތީ އަދި ޑިޖިޓަލް ޚިދުމަތްދޭ ކުންފުނި، ދިރާގުން އަޟްހާ އީދުގެ މުނާސަބަތާ ގުޅުވައިގެން ކަސްޓަމަރުންނަށް ޚާއްސަ އިނާމުތަކަކާއި ބޯނަސް ޑޭޓާ ލިބޭ ޕްރޮމޯޝަނެއް ތައާރަފުކޮށްފިއެވެ. "ބޮޑުމަސް ބޭނުން" ގެ ނަމުގައި ކުރިއަށްގެންދާ މި ހަރަކާތަކީ ދިރާގު މޮބައިލް އެޕްލިކޭޝަން މެދުވެރިކޮށް ކުޅެވޭ ގޮތަށް ފަރުމާކޮށްފައިވާ ހަތް ދުވަހުގެ ޚާއްސަ ގޭމެކެވެ. މި ގޭމުގެ މަގުސަދަކީ އީދުގެ ފޯރިގަދަ ވަގުތުތަކުގައި ކަސްޓަމަރުންނަށް ޑިޖިޓަލް ވަސީލަތްތައް މެދުވެރިކޮށް އުފާވެރިކަމާއި އިތުރު ފައިދާތަކެއް ހޯދައިދިނުމެވެ.

މި މަހުގެ 30 ވަނަ ދުވަހުގެ ނިޔަލަށް ކުރިއަށްދާ މި ގޭމުގައި ބައިވެރިވާ ކަސްޓަމަރުންނަށް އަގުހުރި އިނާމުތަކެއް ހޯދުމުގެ ފުރުސަތު ވަނީ ހުޅުވާލާފައެވެ. އޭގެ ތެރޭގައި ފިޝިން ގިއާ ކިޓަކާއި ގޯޕްރޯ ހީރޯ 11 ކެމެރާއެއް ހިމެނެއެވެ. މި ގޭމުގައި ބައިވެރިވުމަށްޓަކައި ދިރާގު އެޕްގައިވާ 'ބޮޑުމަސް' ބެނާއަށް ފިއްތާލުމުން ކޮންމެ ދުވަހަކު ޚާއްސަ ކާޑެއް ފެންނާނެއެވެ. މި ކާޑުތަކުގައި ހުންނާނީ މަސްވެރިކަމަށް ބޭނުންކުރާ ސާމާނެވެ. އަދި ޕްރޮމޯޝަންގެ އެންމެ ފަހު ދުވަހު ބޮޑުމަސް ހޯދާ ކަސްޓަމަރުންނަށް ކޮންމެ ދުވަހަކު ހިލޭ 2 ޖީބީ ޑޭޓާ އާއި ލަކީޑްރޯ ޓިކެޓެއް ލިބިގެންދާނެއެވެ.

މީގެ އިތުރުން، އީދު ބަންދުގެ ދުވަސްތަކުގައި އާއިލާއާއި ރައްޓެހިންނާ އޮންނަ ގުޅުން ބަދަހިކުރުމަށް ފަސޭހަކޮށްދިނުމުގެ ގޮތުން ދިރާގުން ވަނީ ޚާއްސަ ޕްރީޕެއިޑް އޮފާތަކެއްވެސް ތައާރަފުކޮށްފައެވެ. މިގޮތުން 650 ރުފިޔާއަށް 28 ދުވަހުގެ މުއްދަތަށް 45 ޖީބީ ޑޭޓާ އާއި ދިރާގުގެ ނަންބަރުތަކަށް ހިލޭ ގުޅޭނެ "އީދު ޑޭޓާ ކޮމްބޯ" އެއް ވަނީ ތައާރަފުކޮށްފައެވެ. އަދި މި މަހުގެ 31 ގެ ނިޔަލަށް ޚާއްސަ އީދު އެޑްއޮންތައް އެކްޓިވޭޓް ކުރާ ޕްރީޕެއިޑް ކަސްޓަމަރުންނަށް 25 އިންސައްތަ އިތުރު ބޯނަސް ޑޭޓާ ލިބޭނެއެވެ.

ދިރާގުގެ އެސިސްޓެންޓް މެނޭޖަރު މާކޮމްސް އެންޑް ޕީއާރް، ޒީން މުހައްމަދު ވިދާޅުވި ގޮތުގައި، މި ހަރަކާތްތަކަކީ އީދުގެ ސަގާފީ ފޯރީގެ ތެރެއިން ކަސްޓަމަރުންނަށް ލުއިފަސޭހަ ޑިޖިޓަލް ޚިދުމަތްތަކެއް ފޯރުކޮށްދިނުމަށް ރޭވުނު ކަންކަމެވެ. މިފަދަ ޑިޖިޓަލް ހަރަކާތްތަކަކީ ސަރުކާރުގެ ޓެކްނޮލޮޖީ އަދި ޑިޖިޓަލައިޒޭޝަން ސިޔާސަތުތަކާ، ޚާއްސަކޮށް މުޖުތަމައު ޑިޖިޓަލްކޮށް ބާރުވެރިކުރުވުމަށް ގެންގުޅޭ ތަސައްވުރާ ފުށުނާރާ، ގައުމީ ޑިޖިޓަލް އިންފްރާސްޓްރަކްޗާ ހަރުދަނާކުރުމަށް މަގުފަހިކޮށްދޭ މުހިންމު ފިޔަވަޅުތަކެކެވެ.